Նոր ծրագիր՝ ուղղված հայերենի զարգացմանը

Հայաստանի Հանրապետության կրթության, գիտության, մշակույթի և սպորտի նախարարությունը և Իզմիրլյան հիմնադրամը փոխըմբռնման հուշագիր են ստորագրել «Հայերենը ոչ հայախոսների համար. հայերենի իմացության դասավանդում, թեստավորում և գնահատում» և «Հայերենը՝ որպես կենսունակ լեզու տեխնոլոգիական աշխարհում» ծրագրերի շրջանակում։

«Հայերենը կենսունակ լեզու տեխնոլոգիական աշխարհում» ծրագրի շրջանակում համաձայնագիր է ստորագրվել նաև Լեզվի կոմիտեի, Իզմիրլյան հիմնադրամի և Երևանի պետական համալսարանի միջև։

Կողմերն ընդգծեցին այս համագործակցության կարևորությունը, որից ակնկալվում է, որ կբերի ինստիտուցիոնալ փոփոխություններ և կնպաստի հայերենի՝ որպես պետական լեզվի առաջընթացին։