Ամփոփում
Աջակցել հայկական գյուղատնտեսության արդիականացմանն ու փոխակերպմանը՝ նշի արդյունավետ արտադրության, ժամանակակից գյուղատնտեսական ենթակառուցվածքի, առաջադեմ հողագործական մեթոդների և արտահանման շուկաների դիվերսիֆիկացման մեջ լայնածավալ ներդրումների միջոցով։
2017 թվականից ի վեր Իզմիրլյանների ընտանիքը ներդրումներ է կատարել Հայաստանի գյուղատնտեսական ոլորտի զարգացման մեջ՝ գիտակցելով գյուղատնտեսության կարևոր դերը գյուղական համայնքներում տնտեսական հնարավորություններ ստեղծելու և կենսապայմաններն ամրապնդելու գործում։
Արմավիրի մարզի Վանանդ համայնքում իրականացվող նախաձեռնության շրջանակում նախկինում չօգտագործվող 837 հեկտար բերրի հող վերադարձվել է գյուղատնտեսական շրջանառության մեջ։ Այդ նպատակով հիմնվել են նշի այգիներ, ստեղծվել են ժամանակակից և արդյունավետ ոռոգման ենթակառուցվածքներ և ներդրվել են գյուղատնտեսության առաջադեմ մեթոդներ։
Ծրագիրը ստեղծում է զբաղվածության և եկամտի հնարավորություններ Հայաստանի գյուղական համայնքներում։ Ներկայումս ծրագրում աշխատում է ավելի քան 70 մարդ, որոնցից 88%-ը բնակվում է Երևանից դուրս՝ հիմնականում Արմավիրի մարզի գյուղերում։
Vanand Agro-ն նաև ձգտում է խթանել պատասխանատու աշխատանքային պրակտիկան Հայաստանի գյուղատնտեսական ոլորտում՝ ներառյալ հավասար աշխատանքի դիմաց հավասար վարձատրությունը, նվազագույն աշխատավարձի և աշխատաժամերի պահանջներին համապատասխանությունը, անվտանգ աշխատանքային պայմանները, նվազագույն տարիքի համապատասխան չափանիշները և աշխատավարձերի ժամանակին վճարումը և այլն։
Ընդլայնելով բարձրարժեք գյուղատնտեսական մշակաբույսի ներքին արտադրությունը՝ նախաձեռնությունը նաև նպաստում է Հայաստանի գյուղատնտեսական կարողությունների ամրապնդմանը, պարենային անվտանգության բարելավմանը և ավելի արդյունավետ, մրցունակ ու կայուն գյուղատնտեսական ոլորտի զարգացմանը։
